'மலையகா' அறிமுகமும் உரையாடலும்...

 

ஊடறு வெளியீடாகிய மலையகப் பெண்களின் சிறுகதைத் தொகுதி 'மலையகா' அறிமுகமும் உரையாடலும் 22.06.2024 சனிக்கிழமை மாலை, யாழ் மத்திய கல்லூரி அருகில் அமைந்துள்ள தந்தை செல்வா கலையரங்கில் இடம்பெற்றது.

சப்னா இக்பால்(ஆய்வாளர்) தலைமையில் இடம்பெற்ற மேற்படி நிகழ்வில் வைஷ்ணவி(வழக்கறிஞர்), திசா(பெண்ணிய செயற்பாட்டாளர்), கலாநிதி சு.குணேஸ்வரன்(எழுத்தாளர்), செ.ரினோஷன்(யாழ். பல்கலைக்கழகம்) ஆகியோர் உரை நிகழ்த்தினர். நிகழ்வை ஒழுங்கமைத்த தர்சிகா (பெண்ணிய செயற்பாட்டாளர்) நன்றியுரை நிகழ்த்தினார். ஊடறு வெளியிட்ட மேற்படி தொகுப்பில் 23 மலையகப் பெண்களின் 42 கதைகள் உள்ளடங்கியுள்ளன.

நிகழ்விலிருந்து சில ஒளிப்படங்கள்.

'இமிழ்' கதைத்தொகுப்பின் அறிமுகமும் விமர்சனமும்

 

பிரான்சில் நடைபெற்ற 51ஆவது இலக்கியச் சந்திப்பில் வெளியிடப்பெற்ற 'இமிழ்' கதைத்தொகுப்பின் அறிமுகமும் விமர்சனமும் யாழ். திருமறைக் கலாமன்றத்தின் கலைத்தூது அழகியற் கல்லூரி மண்டபத்தில் 04.05.2024 சனிக்கிழமை இடம்பெற்றது. நிகழ்வுக்கு சு.குணேஸ்வரன் தலைமை வகித்தார். உரைகளை, பேராசிரியர் அ.ராமசாமி, இ.இராஜேஸ்கண்ணன், தானாவிஷ்ணு, மயூரரூபன், கிரிஷாந் ஆகியோர் நிகழ்த்தினர். ஈழம் மற்றும் புலம்பெயர் நாடுகளிலிருந்து எழுதிவரும் 25 படைப்பாளிகளின் சிறுகதைகள் தொகுப்பில் இடம்பெற்றுள்ளன. நிகழ்வின் இறுதியில் பங்குபற்றியோரின் கருத்துரைகளும் இடம்பெற்றன.

(ஒளிப்படங்களுக்கு நன்றி:கருணாகரன், வசீகரன்)

50 ஆவது இலக்கியச் சந்திப்பு - அனலைதீவு

 50ஆவது இலக்கியச் சந்திப்பு யாழ்ப்பாணம் அனலைதீவில் இரண்டு நாட்கள் இடம்பெற்றன. யூலை 29,30 ஆந் திகதி அனலைதீவு ஐயனார் ஆலய வளாகத்தின் அனலை ஐயனார் அன்னதான மண்டபத்தில் அப்பிரதேச மக்களின் பூரண ஒத்துழைப்புடன் சிறப்பாக நடைபெற்றது. 

இரண்டு நாள் நிகழ்வுகளிலும் உரைகள், கருத்துரைகள், நாடகம் என்பன இடம்பெற்றன. நூல்கள் சஞ்சிகைகளும் காட்சிப்படுத்தப்பட்டன. ஏற்பாட்டாளர்கள் மிகுந்த சிரமத்தின் மத்தியிலும் தங்குமிடம், உணவு, போக்குவரத்து ஒழுங்குகளைச் செய்திருந்தனர். அனலை மக்கள், சமூகச் செயற்பாட்டாளர்களின் ஒத்துழைப்புடன் இலக்கியச் சந்திப்பு இடம்பெற்றது மனநிறைவைத் தந்தது. அங்கு நிகழ்த்தப்பட்ட உரைகள் தொகுக்கப்பட்டு நூலாக வெளிவருவது அவசியமாகும். 

நிகழ்விலிருந்து சில ஒளிப்படங்கள் : 

(படங்கள் : குணேஸ்வரன் மற்றும் நண்பர்கள் )