‘வள்ளுவம்’ மலர் வெளியீடு

கரணவாய் அண்ணாசிலையடி ‘வள்ளுவர் சனசமூக நிலையம்’ கடந்த 15.10.2011 அன்று தமது சனசமூகநிலையத்தின் 50 வது நிறைவு விழாவினையொட்டி ‘வள்ளுவம்’ என்ற மலர் வெளியீட்டையும் கலை நிகழ்வுகளையும் நிகழ்த்தியது. நிலையத் தலைவர் சி. தர்மகுலசிங்கம் தலைமையில் நிகழ்வுகள் நடைபெற்றன.

மேற்படி நிகழ்வில் டாக்டர் வே. கமலநாதன் முதன்மை விருந்தினராகக் கலந்து கொண்டார். நூல் வெளியீட்டுரையை இ. இராஜேஸ்கண்ணனும் நயப்புரையை சு. குணேஸ்வரனும் நிகழ்த்தினர். அரங்க சிறப்புரையை தெணியான் நிகழ்த்தினார்.

புலமைப்பரிசில் பரீட்சையில் சித்தியடைந்தவர்கள், பல்கலைக்கழகங்களுக்குத் தெரிவானவர்கள், 50 வது நிறைவுவிழாப் போட்டியில் பங்குபற்றிய வெற்றியாளர்கள் ஆகியோருக்கு பரிசில்கள் வழங்கும் நிகழ்வும் இடம்பெற்றது. மேலும் நிலையத்தின் செயற்பாட்டுக்கு முன்னோடியாக இருந்த மூத்தவர்களும் கெளரவிக்கப்பட்டார்கள்.

நிகழ்வில் கலந்து கொண்ட விருந்தினர்கள் மற்றும் நிகழ்வுகளின் படங்கள் சில.

பதிவும் படங்களும் - சு. குணேஸ்வரன்

வள்ளுவர் ச.ச நிலையத் தலைவர் சி. தர்மகுலசிங்கம்

டாக்டர் வே. கமலநாதன்

விரிவுரையாளர் இ. இராஜேஸ்கண்ணன்

சு. குணேஸ்வரன்

எழுத்தாளர் தெணியான்

திருமதி தி. அன்னலிங்கம்

(செயலாளர் வடமராட்சி தெற்குமேற்கு பிரதேசசபை)

த. புவனேந்திரன் 

(கிராம சேவையாளர், கரணவாய் வடக்கு)

கு. பாஸ்கரன் 

 (அதிபர், கரணவாய் மணியகாரன்தோட்டம் அ.த.க. பாடசாலை)

கொ. குணசிங்கம் 

(கரவெட்டி ச.ச நிலையங்களின் சமாசத் தலைவர்)

க. இரத்தினம் 

(கரவெட்டி பிரதேச சபை உறுப்பினர்)

மா. பரமானந்தம் 

(முகாமையாளர், யாழ்ப்பாணம் தேசிய சேமிப்பு வங்கி- மேற்தரக்கிளை)

ஆ. மகேந்திரம் 

கௌரவிக்கப்பட்ட மூத்த உறுப்பினர்கள்

பரிசில் வழங்கும் நிகழ்வு

பதிவும் படங்களும் - சு. குணேஸ்வரன்

அறிவோர் ஒன்றுகூடல் –பேராசிரியர் கா. சிவத்தம்பி நினைவுப் பகிர்வு

 பருத்தித்துறை அறிவோர் ஒன்று கூடல் நிகழ்வு 02.10.2011 ஞாயிறு மாலை 4.30 மணிக்கு இடம்பெற்றது. தொடக்கவுரையை து.குலசிங்கம் நிகழ்த்தினார். அவர் தனது உரையில் தமிழ்நாட்டுப் பயணத்தின்போது ஏற்பட்ட இலக்கியச் சந்திப்பு தொடர்பாக தனது அனுபவங்களைப் பகிர்ந்து கொண்டார்.

தொடர்ந்து “பேராசிரியர் கா. சிவத்தம்பி நினைவுப் பகிர்வு” இடம்பெற்றது. உரைகளை து. குலசிங்கம், குப்பிழான் ஐ. சண்முகன், ஆங்கில ஆசான் கந்தையா, சு.குணேஸ்வரன், வேல் நந்தகுமார் ஆகியோர் நிகழ்த்தினர்.

உரைகளில் பேராசிரியர் சிவத்தம்பி அவர்களின் மனிதநேயம், விமர்சனப்பங்களிப்பு, தமிழாய்வுப்பணி, பல்கலைக்கழகப்பணி, அவர் சந்தித்த எதிர்வினைகள் ;ஆகிய பல விடயங்கள் உரையாளர்களால் எடுத்துக் கூறப்பட்டன.

நிகழ்வில் வடமாகாண ஆளுநர் விருது பெறும் குப்பிழான் ஐ. சண்முகனுக்கு வாழ்த்துத் தெரிவிக்கப்பட்டதோடு வாழ்த்துக் கவிதையை கவிஞர் வதிரி கண எதிர்வீரசிங்கம் அவர்கள் சமர்ப்பித்தார்.

இலக்கிய ஆர்வலர்கள் கலந்து கொண்ட இந்நிகழ்வில் அறிவோர் கூடல் நண்பர்கள் குழாத்தைச் சேர்ந்த ஆசிரியர் இரத்தினசோதி அவர்கள் தனது மகளின் திருமண நிகழ்வின்பொருட்டு இராப்போசனம் வழங்கி தனது நட்பைத் தெரிவித்தார். கவிஞர் கே.ஆர் திருத்துவராஜா அவர்கள் நன்றியுரை கூறினார்.

நிகழ்வில் இருந்து சில படங்கள்

பதிவு - சு.குணேஸ்வரன்
படங்கள் - சுதர்சன்,குணேஸ்வரன்